БИШКЕК, 16-фев. — Sputnik. "Өнүгүү — Прогресс" фракциясы өкмөттү отставкага кетирүү боюнча чечим кабыл алды. Бул тууралуу аталган фракциянын лидери Бакыт Төрөбаев парламентте ар кандай маселелер каралып жатканда билдирди.
Ал бул чечим өкмөттүн ЕАЭБ боюнча жасаган ишинен кийин кабыл алынгандыгын кошумчалады.
"Биздин фракция өкмөттү отставкага кетирүү боюнча чечим кабыл алды. Ошого байланыштуу өкмөттүн жасаган иши боюнча отчет берүүсүн талап кылабыз", — деди Төрөбаев.
Белгилей кетсек, буга чейин "Ата-Мекен" фракциясы дагы ушундай эле чечим кабыл алган.
