БИШКЕК, 23-янв. — Sputnik. Өспүрүмдөр арасында эркин күрөш боюнча эл аралык турнир өтөт. Бул тууралуу Кара-Балта шаарынын балдар өспүрүмдөр спорттук мектебинен кабарлады.
Маалыматка ылайык, Кара-Балта шаарында алтынчы жолу өтүп жаткан эл аралык турнир 26-28-январда болот. Ага Казакстандан, Өзбекстандан жана Кыргызстандын аймактарынан келген спортчулар катышат.
Турнирде 12 жаштан 17 жашка чейинки балдар 25 килограммдан 85 килограмм салмакка чейинки категорияда ат салышат.
Иш-чара спорттун чебери, машыктыруучу Мырсабек Курманалиевдин жаркын элесине арналган.
