БИШКЕК, 23-янв. — Sputnik. Нарын облусунун Ат-Башы районундагы Ак-Сай кыштоосуна тоют жеткирилгенин ӨКМ билдирди.
Маалыматка ылайык, 28-декабрда бурганактап жааган кардын кесепетинен Ак-Сай өрөөнүнө барчу жол жабылып, кыштоодогу мал-жандыктарды тоют менен камсыздоо зарылчылыгы жаралган.
Эске салсак, Ат-Башы — Кында жолу 20-январда кардан тазаланып, ачылган болчу.
Жолчулар жолду кардан тазалоо үчүн берилген күйүүчү май тоңуп калып, техникалар бузулуп жатканын айтып арызданышкан. Түзүлгөн мындай кырдаалга карабай жол кардан тазаланган.
22-январда эртең менен саат 07:00дө тоют жүктөлгөн эки КамАЗ жолго чыгып, Ак-Сай өрөөнүнө саат 15:00дө жеткирилген.
