Техниканын майы тоңуп Ак-Сай кыштоосуна тоют алып бараткандар артка кайтты

© Sputnik / Константин Чалабов / Медиабанкка өтүүФерма бизонов в Новгородской области
Ферма бизонов в Новгородской области - Sputnik Кыргызстан
Жазылуу
Жергиликтүү бийлик атайын кызматтар менен акыркы 10 күндөн бери иштеп жатканы менен пландалган убакытта жолдун ачылбай жатышы нааразычылыктарды жаратууда.

НАРЫН, 18-янв. — Sputnik. Ат-Башы районунун Ак-Сай кыштоосуна барчу жол техника бузулуп, май тоңуп жол ачылбай ал жакка тоют алып бараткандар жана медицина кызматкерлери артка кайтышты. Бул тууралуу Sputnik Кыргызстан агенттигинин аймактык кабарчысы билдирди.

Маалыматка ылайык, Ат-Башы — Ак-Муз — Кында жолу ачыла элек. Аталган аймакта жол тейлөөчүлөр иштеп жатканы менен эски техникалар, тоңгон майлар ишке жолтоо болуп жатат. Учурда 80 чакырым жол тазаланып Кында ашуусуна жетти. Эми дагы үч чакырымга чукул жол кардан тазаланышы керек.

"Жол ачылды деген маалыматтан улам чабандар үч машина тоют, жергиликтүү бийлик медицина кызматкерлери менен Ак-Сай кыштоосуна бара жатып кайра кайтууга аргасыз болушту", — деп айтылат маалыматта.

Жол тазалоо иштери акыркы 10 күндөн бери жүргүзүлүп жатканы менен жолдун пландалган убакытта ачылбай жатышы нааразычылыктарды жаратып жатканын кабарчы билдирди. 

Жол тейлөө кызматкерлери техника үчүн ӨКМ тарабынан бөлүнгөн май кышкы эмес болгондуктан ал тоңуп иш бүтпөй жатканын айтышууда.

Жаңылыктар түрмөгү
0