Стамбулдагы терактыга эми Өзбекстанда туулган жаран күнөөлөнүүдө

© AP Photo / Emrah GurelНападение на ночной клуб Reina в Стамбуле
Нападение на ночной клуб Reina в Стамбуле - Sputnik Кыргызстан
Жазылуу
Мурдараак терактыга кыргызстандык Яхье Машрапов күнөөлөнүп, бирок маалымат такталган эмес. Эми өзбекстандык Машарипов аттуу жаран шектелип жатат.

БИШКЕК, 8-янв. — Sputnik. Түрк полициясы Стамбулдагы Reina түнкү клубундагы терактыны Абу Мухаммед Хорасан деген ат менен таанымал Өзбекстанда туулган Абдулгадир Машарипов ишке ашырды деген бүтүмгө келгенин Sabah гезитине шилтеме берип РИА Новости жазды. 

Маалыматка караганда террорчу кол салуу маалында куралын алты ирет октоп, 180 ок чыгарган. Күбөлөрдүн айтымында, ал жерге жыгылган кишилердин башын мээлеген. Аткылоо 7 мүнөткө созулуп, андан кийин террорчу ашканага өтүп, ал жерде 13 мүнөт аралыгында кийимин алмаштырып, ызы-чуудан пайдаланып, изин жашырып кеткен. 

Дело с подозрением кыргызстанца Яхья Машрапова - Sputnik Кыргызстан
Яхье Машрапов: Стамбулда эмес, Кыргызстанда да түнкү клубга барып көргөн эмесмин
Эки күн өткөндөн кийин түрк жана дүйнөлүк ЖМКлар терактыны ишке ашырган адам кыргызстандык Яхье Машрапов болушу мүмкүн деп, анын паспорттогу сүрөтүн жарыялап ийишкен

Ал эми Машрапов терракт болгон жаңы жыл түнү Кыргызстанда болгонун айтып, тиешеси жок экенин билдирген. Бул маалыматты кыргыз ТИМи дагы далилдеген.

Дагы эки күндөн кийин түрк полициясы Измирден 40 адамды кармашкан. Алардын арасында кыргыз паспорттору менен жүргөн жарандар бар экени айтылган. Ал эми кыргыз ТИМи алдын ала мааламаттарга караганда кармалгандардын арасында КР жарандары жок экенин билдирген.

Эске сала кетсек, жаңы жыл түнү Стамбулдагы Reina түнкү клубунда терракт болуп, 39 адам көз жуумп, 69 адам жаракат алган.

Терракт жоопкерчилигин өз мойнуна "Ислам мамлекети" алгандыгын Рейтер агенттиги жазып чыккан.

Кыргыз паспортунун кадырына шек келтирген фактылар тууралуу Sputnik Кыргызстан материалынан окуңуздар>>

Жаңылыктар түрмөгү
0