Жаш актер Азамат Уланов: эң көп алган гонорарым 1000 доллар болду
Актердук чеберчилигин "Тамашоу" лигасынан баштаган жаш актер Азамат Уланов учурда бир катар клиптерге, тасмаларга тартылып мектепте окуса да өзүн-өзү камсыз кылат.
"Мен ата-энемден көп акча сурабаганга аракет кылам. Анткени алар да бизди жанталашып багып жатканын көрүп, мен өзүмдү-өзүм камсыз кылгым келет. Тасма, клиптерге катышканда гонорар алам. Аларды дароо апама алып барып берем. Биринчи алган гонорарым 500 сом болгон. Аны апама алып барсам аябай сүйүнүп, ыйлап жиберген. Негизи гонорарлар аткарган эпизодуңа жараша болот. Акыркы тартылган "В поисках мамы" тасмасында башкы ролду жаратып 1000 доллар алдым", — деди Азамат.
Уланов буга чейин "Сен эмне кылмаксың", "Ишен", "Девушка моей мечты", "Бир тууганчики" тасмаларына тартылган.
