Кайрат Примбердиев "Пусть говорят" программасына катышат

© SputnikКыргызский исполнитель Кайрат Примбердиев
Кыргызский исполнитель Кайрат Примбердиев - Sputnik Кыргызстан
Жазылуу
Кыргызстандык ырчы Кайрат Примбердиев үстүбүздөгү жылдын сентябрь айынан тарта Россиянын Биринчи каналындагы "Голос" долбооруна катышып келет.

БИШКЕК, 21-дек. — Sputnik. Россиянын "Голос" долбооруна катышып жаткан кыргыз аткаруучусу Кайрат Примбердиев Андрей Малаховдун "Пусть говорят" программасына катышат. Бул тууралуу ырчы өзүнүн Instagram баракчасына жазып чыкты. 

 

A photo posted by Кайрат Примбердиев. Голос 5 (@kairat_primberdiev) on Dec 20, 2016 at 10:08am PST

 

"22-декабрь, бейшемби күнү Андрей Малаховдун "Пусть говорят" ток-шоусун өткөрүп жибербеңиздер. Бул чыгарылыш музыкалык "Голос" долбооруна арналат. Эфир абдан кызыктуу өтөт", — деп жазды Примбердиев.

Биринчи каналдын эфиринде "Голос" долбоорунун катышуучуларынын көшөгө артындагы жашоосу көрсөтүлөт. 

Тойдогу бийчи. Архив - Sputnik Кыргызстан
Тойдогу хит ырлар: ырчылардын капчыгын калыңдаткан ырлардын тизмеси
Кыргызстандык ырчы Кайрат Примбердиев үстүбүздөгү жылдын сентябрь айынан тарта Россиянын Биринчи каналындагы "Голос" долбооруна катышып келет. Октябрь айында өткөн "Беттеш" турунда Примбердиев Дима Биландын колдоосу менен кийинки этапка өткөн. Ал эми 10-декабрда Советтер Союзу учурунда популярдуу болгон "Я спросил у ясени" аттуу ырды аткарып жарым финалга өтүп кеткен

"Голос" телешоусу ыр сынактарынан айырмаланып турган долбоор. Ал ырчыны көрбөй угуу, күч сынашуу, нокаут, чейрек финал, жарым финал жана финал сыяктуу бөлүктөрдөн турат. Финалга чыккан катышуучулар буга чейин тандап алган насаатчылары менен дуэт ырдашат. Долбоорго бул жолу Леонид Агутин, Дима Билан, Полина Гагарина жана Григорий Лепс калыстык кылууда.

Жаңылыктар түрмөгү
0