БИШКЕК, 16-дек. — Sputnik. Кыргызстандык режиссерлор Бакыт Мукул менен Дастан Жапар уулунун "Ата керээзи" тасмасы "Оскар" сыйлыгынын кыска тизмесине кирбей калды. Бул тууралуу Hollywood Reporter басылмасы жазып чыкты.
Кечээ киноакадемия кыска тизмени жарыялап, "Чет тилдеги мыкты тасма" номинациясында ат салыша турган фильмдерди атады. Ага россиялык режиссер Андрей Кончаловскийдин "Рай", ошондой эле Австралия, Германия, Дания, Иран, Канада, Норвегия, Швейцария жана Швециянын тасмалары кирген.
Узун тизмеге 84 тасма менен кирген "Ата керээзи" фильми "Монреалдагы кинофестивалда баш байге болгон "Алтын меридиан" алып, "Оскар" сыйлыгы үчүн ат салышуу укугуна ээ болгон.
Ал эми жарыяланган кыска тизмеден дагы беш тасма тандалып, 24-январда жарыяланат. Ал эми 89-ирет өтүп жаткан "Оскар" сыйлыгын тапшыруу аземи 2017-жылдын 26-февралына белгиленген.
