БИШКЕК, 12-окт. — Sputnik. Режиссерлор Бакыт Мукул менен Дастан Жапар уулунун "Ата керээзи" тасмасы Оскар киноакадемиясынын узун тизмесине киргизилгенин аталган академиянын сайтына жарыяланды.
Кыргызстандык тасма "Жылдын мыкты чет элдик фильми" номинациясы боюнча ат салышат.
7 Тогуздун айы 2016, 21:09
Академиянын маалыматы боюнча быйыл аталган категория боюнча сынакка катышуу үчүн рекорддук сандагы — 85 кинофильм билдирме жөнөткөн. Буга чейинки рекорд 2014-жылга тиешелүү, анда сыйлык үчүн 83 арыз түшкөн.
Негизги тогуз тасманы камтыган кыска тизме декабрдын аягында белгилүү болот. Алардын ичинен тандалып алынган беш фильм 24-январда жарыяланат.
Ал эми Оскар сыйлыгын тапшыруу аземи 2017-жылдын 26-февралында Лос-Анжелесте өтмөкчү.
Эскерте кетсек, буга чейин Оскар сыйлыгы үчүн Кыргызстандан Садык Шер-Нияздын "Курманжан датка" жана Мирлан Абдыкалыковдун "Сүтак" тасмалары кирип, бирок узун тизмеден ары өтө алган эмес.
