БИШКЕК, 11-дек. — Sputnik. Нобель сыйлыгы медицина, физика, химия жана экономика тармагы боюнча өз ээлерине Швециянын Стокгольм шаарындагы концерттик залда тапшырылганын РИА Новости билдирди.
Швециянын королу Карл Густав XVI колунан медицина боюнча япониялык профессор Ёсинори Осуми, үч физик — Дэвид Таулесс, Данкан Холдейн жана Майкл Костерлиц; химиядан Жан-Пьер Саваж, Фрейзер Стоддарт жана Бернард Феринга жана экономика боюнча Оливер Харт жана Бенгт Хольмстрём сыйлык алышты. Белгилей кетсек, экономика боюнча атайын сыйлыкты Швециянын мамлекеттик банкы тапшырат.
2016-жылы ар бир номинация боюнча сыйлыктын көлөмү 932 миң долларды түзөт.
Нобель сыйлыгын тапшыруу жыл сайын 10-декабрда Альфред Нобелдин каза болгон күнү тапшырылат. Аталган сыйлык 1901-жылдан бери бүгүнкү күнгө чейин 579 жолу тапшырылган. Аны 881 киши жана 23 уюм алган. Беш жыл мурда Нобель сыйлыгынын акчалай тапшырылчу сыйлыгы 10 миллион кронду түзчү (1,5 миллион доллар). Бирок 2012-жылы анын көлөмү 8 миллион кронго (932 миң доллар) кыскартылган.
