БИШКЕК, 7-окт. —Sputnik. Тынчтык үчүн Нобель сыйлыгы быйыл Колумбиянын президенти Хуан Мануэл Сантоско ыйгарылганын Ослодогу норвегиялык нобель комитети билдирди.
Сыйлык өлкөдө 50 жылдан бери созулуп келе жаткан жарандык согушту токтотууга багытталган аракет үчүн берилген. Швед илимпозу Альфред Нобелдин ыктыярына ылайык, тынчтыкты бекемдөө үчүн берилүүчү сыйлык Стокгольм эмес, Ослодо ыйгарылуучу беш сыйлыктын бири болуп саналат.
Жеңүүчүлөрдү сыйлоо аземи салтка айлангандай Нобелдин өлгөн күнү — 10-декабрда өтөт. Быйыл ар бир Нобель сыйлыгынын суммасы 8 миллион швед кронун же 932 миң долларды түзүүдө.
