Мындан ары Sputnik менен биргеликте кыргыз ашканасына тиешелүү баардык тамактарды тез жана даамдуу жасаганды үйрөнсөңүз болот.
"Жамбыны" даярдоого жалпысынан 2,5 — 3 саат кетет. Supara этно-комплексинин башкы ашпозчусу Sputnik Кыргызстандын кабарчысына айтып бергенине караганда, бул тамакты даамдуу кылып жасоого чоң таланттын, ашпозчулук билимдин деле кереги жок.
"Жамбыны" даярдоого картошка, болгар калемпири, пияз, сабиз, кой эти, куйрук май, карын, сарымсак, туз жана кара калемпир керек", — дейт ал.
Ошондой эле ашпозчу карынды алдын ала жакшылап тазалап, жууп алуу зарылдыгын кошумчалады. Карындын ичине тууралган этти менен жашылчаларды салгандан кийин ачык жерин жакшылап жип менен бууп коюу зарыл. Анткени карындын ичиндеги фарш даамын сактап калышы керек.
