БИШКЕК, 27-ноя – Sputnik. Түштүк Кореянын борбору Сеул шаарында 1,3 млн. адам президентке нааразы болуп көчөгө чыкса, ал эми өлкө боюнча алардын саны 1,6 миллионго чукулдап барды. Бул туурасында РИА Новости кабарлады.
Ишемби күнү өткөн нааразылык акция кезектеги алтынчы иш-чара болду. Ага Түштүк Кореядагы оппозициялык үч партиянын, андан сырткары 1,5 ар кыл коомдук уюмдардын өкүлдөрү катышып жатат. Бул ирет нааразылыкка чыккандарга президенттин резиденциясына 200 метрге чейин чукул барууга уруксат берилген. Коопсуздукту камсыз кылуу үчүн 25 миң полиция тартылган.
Саясий чатак президент өзүнүн жакын курбусу Цой Сун Силге президент айым сүйлөй турган мамлекеттик маанидеги сөздөрдү расмий окула электе тааныштырып койгондугун мойнуна алгандан кийин жаралган. Мындан сырткары Цой Сун Силь бизнес-корпорациялардан чогулган 70 миллион долларды чет өлкөдөн үй сатып алууга жана кызынын өлкөдөгү эң атактуу делген жогорку окуу жайда билим алуусуна төлөгөн деп айтылып келет.
