БИШКЕК, 21-ноя. — Sputnik. Президент Алмазбек Атамбаев "Ата керээзи" тасмасын тарткандарды кабыл алып, президенттик кол саат тапшырганын өлкө башчынын маалымат кызматы билдирди.
Жолугушуу учурунда Атамбаев тасманын режиссерлору Бакыт Мукулду, Дастан Жапар уулун жана башкы каарманды ойногон Ыйманберди Мукулду куттуктады. Жакында эле аталган тасма Монреалда өткөн "А" класстагы кинофестивалдын эл аралык конкурунда "Алтын зенит" сыйлыгына татыган болчу. Буга чейин да бир нече эл аралык конкурстарда байгелүү оюндарды алган.
Атамбаев ошондой эле жакында эле Москва шаарында кесипкөй дизайнерлердин Надежда Ламанава атындагы конкурстун баш байгесин алган дизайнер-модельер Аида Робертованы да куттуктады.
Эскерте кетсек, "Ата керээзи" фильми Кыргызстандын атынан "Оскар" сыйлыгынын узун тизмесине киргизилген. Мындан тышкары, картинанын "Алтын глобус" сыйлыгы үчүн сынакка катышуусуна аракеттер көрүлүп жатат.
