БИШКЕК, 30-окт. — Sputnik. football-rankings.info сайты ноябрдагы FIFA рейтингинде Кыргызстандын футбол курама тобу 28 орунга артка жыларын божомолдоп жатат.
Улуттук команда үстүбүздөгү жылдын апрель айында 100-орунду ээлеп өздүк рекорд жасап, кийинчерээк позициясын жогото баштаган. Бирок курама топ октябрь айында 99-орунга жылып рекордду жаңылаган.
Бул сапар аталган сайт Кыргызстандын футболчулары 28 позицияга артка кетип, 127-орунду ээлей турганын болжолдоп жатат.
FIFA рейтинги 24-ноябрда жаңыланат.
