Айдай Асангулова: максатыбыз — абалкы кол өнөрчүлүктү, нукура маданиятты сактоо
БИШКЕК, 28-окт. — Sputnik. Гапар Айтиев атындагы кыргыз улуттук көркөм сүрөт музейинде "Кийиз-дүйнө — көчмөн руху" аттуу салттуу маданияттын көргөзмөсү өтө турганын аны уюштуруп жаткан "Миң Кыял" фондусунун жетекчиси Айдай Асангулова билдирди.
Анын айтымында, иш-чаранын алкагында долбоор боюнча тартылган тасма тартууланып, кыргыздын салттуу кийим-кечеси, сүрөт көргөзмөсү, салттуу ыкмалар боюнча мастер-класстар өтөт.
Асангулова аталган көргөзмө ал жетектеген фонддун эки жыл аралыгында кыргыздын салттуу билими, кол өнөрчүлүгү жаатында жасаган эмгектеринин жыйынтыгы болуп саналарын белгиледи.
Көргөзмө саат 15.00дө башталат.
