БИШКЕК, 14-сен. — Sputnik. Бүгүн Рио-де-Жанейро шаарында өтүп жаткан Паралимпиада оюндарында кыргызстандык Жыргалбек Орозбаев күч сынашат.
Спортчу 107 килограмм салмак категориясында Бишкек убактысы боюнча саат 19:00дө чыгат.
Эске сала кетсек, буга чейин Эсен Калиев пауэрлифтинг боюнча бешинчи орун алса, спортчу Арстанбек Базаркулов жеңил атлетиканын чоюн ыргытуу түрү боюнча тогузунчу орунга ээ болгон.
Ал эми Рио-де-Жанейрого Кыргызстандан Эсен Калиев, Жыргалбек Орозбаев (пауэрлифтинг) жана Арстанбек Базаркулов (жеңил атлетика) барган.
Паралимпиада оюндары — ден соолугу боюнча мүмкүнчүлүгү чектелген жарандарын спорттук мелдеши. Мында спорттун 22 түрү боюнча 528 медалдын комплектиси ойнотулат.
