БИШКЕК, 1 сен — Sputnik. Кыргызстандагы Европа биримдигинин өкүлчүлүгү Кыргызстандагы Кытай элчилигинде болуп өткөн терактыны катуу сынга алды. Бул тууралуу аталган өкүлчүлүктүн маалымат кызматы билдирди.
Шейшемби күнү эртең менен Кытай элчилигинде жардыруу болгон. Жанкечти унаасы менен дипломатиялык өкүлчүлүктүн дарбазасын сүзүп, андан кийин өзүн жардырып жиберген. Мындан Кыргызстандын үч жараны жабыркаган.
Евробиримдик жабыркагандардын тез арада айыгып кетишин каалап, Кыргызстан менен терроризм жана экстремизм менен күрөшүү багытында бирге иш алып барууга даяр экендигин белгилеп өттү.
