БИШКЕК, 30-авг. — Sputnik. Кыргызстандагы Кытай элчилигинде болгон жарылуу боюнча КРдин Улуттук коопсуздук боюнча мамлекеттик комитети терроризм фактысынын негизинде кылмыш ишин козгоду. Бул тууралуу аталган мекеменин маалымат кызматы билдирди.
Белгилей кетсек, 30-августта жан кечти жардыруучу зат салынган автоунаа менен Кытай элчилигинин дарбазасын барып сүзүп, жарылган.
"Алдын ала маалыматтар боюнча террордук аракеттин айынан Кыргызстандын эки жараны жеңил жаракат алган", — деп айтылат УКМК тараткан маалыматта.
Окуя болгон жерде ыкчам-иликтөө иштери жүрүүдө.
Вице-премьер Жеңиш Разаков бул окуяны теракт деп атаган. Өлкө башчысы Алмазбек Атамбаев окуяны тыкыр иликтөөнү тапшырды.
Кытай элчилигиндеги болгон теракттын хронологиясын Sputnik Кыргызстан маалыматынан окуңуздар>>
