БИШКЕК, 30-авг. — Sputnik. Грузиянын Марнеул районундагы үйлөнүү үлпөт тоюнда 180ден ашык киши ууланганын РИА Новости агенттиги Грузиянын ЖМКларына шилтеме берүү менен билдирди.
"Алдын ала маалыматтарга ылайык, коноктор азык-түлүктөн же ичимдиктен ууланышы мүмкүн. Уулангандар жергиликтүү ооруканага жеткирилди. Дарыгерлер бейтаптардын абалы туруктуу экенин айтышууда", — деп "Рустави 2" каналы маалымдады.
Айрым бейтаптар ооруканадан чыгышты. Уулангандардын арасында 30дан ашык бала бар.
Аталган факты боюнча Грузиянын Ички иштер министрлиги тергөө амалдарын баштады.
