БИШКЕК, 30-авг. — Sputnik. Индиянын маданият жана туризм министри Махеш Шарма чет жерден келген турист кыз-келиндерди кичи шаарларга чыкканда юбка кийбөөгө чакырды https://ria.ru/world/20160829/1475498851.html.
"Чет элдик жаран Индиянын аэропортуна конгондо ага атайын эрежелер камтылган баракча берилет. Анын ичинде өлкө ичинде жүргөндө эмнелерди кылууга болор-болбосу тууралуу жазылган. Ал эрежелердин катарына шаар ичин жалгыз кыдырбоо жана юбка сыяктуу ачык кийимдерди кийбөө сунушу берилген", — деп журналисттерге Шарма билдирди.
Бийлик өкүлдөрү туристтер үчүн атайын дресс-код киргизгени жатабы деген суроого Шарма "биз эмне үчүн туристтерге дресс-код кийгизмек элек?" — деп четке какты.
Мындан тышкары министр туристтерге дагы бир сунуш берди. Анын айтымында, таксиге отурган жаран унаанын номерин сүрөткө тартып, тааныштарына жиберип койгону туура. Себеби, жаман окуя болуп кетсе, кылмышкерди табууга оңой болот.
