БИШКЕК, 29-авг. — Sputnik. Бишкекте Биринчи Май райондук күзөт кызматынын кызматкерлери бычакташа кетип, бири ооруканага жатса, экинчиси камакка алынганын ИИМ билдирди.
24 Баш оона 2016, 17:52
Маалыматка ылайык, кечээ, 28-август күнү аталган милиционерлер жумуштан кийин Комсомол көлүндө эс алып, саат 20.20да күзөт бөлүмүнүн жатаканасына келишкен. Жолдо келе жатып кесиптештер арасында түшүнбөстүк жаралып, ал мушташка айланып кеткен.
Уруштан бир милиция кызматкери үч ирет бычак жеп, Улуттук хирургиялык борборго жаткырылды.
Аталган факт боюнча Кылмыш жаза кодексинин 23-беренеси (бейбаштык) боюнча кылмыш иши козголуп, шектүү камакка алынды.
Окуяга юридикалык баа берүү үчүн иш прокуратурага жөнөтүлдү.
