БИШКЕК, 29-авг. — Sputnik. Өлкө башчы Алмазбек Атамбаев референдум жолу менен Конситуцияга өзгөртүүлөрдү киргизүү демилгесин көтөргөндөр менен жолукту. Бул тууралуу президенттин маалымат кызматы билдирди.
19 Баш оона 2016, 13:46
Жолугушуу Москва шаарында өрттөн каза болгондорду жана Ош — Бишкек унаа жолунда көз жумгандарды эскерүү менен башталып, ага Жогорку Кеңештин төрагасы Чыныбай Турсунбеков, СДПК лидери Иса Өмүркулов, "Республика – Ата Журт" лидери Өмүрбек Бабанов, "Кыргызстан" фракциясынын лидери Канатбек Исаев, "Өнүгүү-Прогресс" лидери Бакыт Төрөбаев жана "Бир Бол" фракциясынын лидери Алтынбек Сулаймановдор катышты.
"Мамлекет башчысы Конституцияны өзгөртүү боюнча демилгеге коомчулукта айтылган сындарды эске алуу менен толуктоолорду жазуу керектигин баса белгиледи", — деп айтылат маалыматта.
Өз кезегинде лидерлер айтылган сунуштарды кабыл алууга даяр экендигин айтып, коомдук талкууну 10-сентябрга чейин узартуу демилгесин колдой тургандыгын билдирди.
Ал эми референдум өткөрүү күнү толуктоолор жана кошумчалар бүткөн соң сентябрь айынын ортосунда белгилүү болот.
