БИШКЕК, 27-авг. — Sputnik. Атын атагысы келбеген күбө Москва шаарындагы басмаканадан чыккан өрттөн боюнда бар кыргызстандык келин каза болгондугун билдирди.
"Алардын арасында жакында үйүнө кетем деп жаткан кыргызстандык кош бойлуу келин да бар экен", — деди ал.
Анын айтымында каза болгондордун арасында 18 жаштагы улан-кыздар болгон.
"Учурда абдан жаман болуп, араң сүйлөп жатам. Каза болгондор арасында көпчүлүгү кыргыздар. Кудай колдоп, менин кайнагам аман калды. Бирок денесин көпчүлүк бөлүгүн күйгүзүп алыптыр. Бул басмаканада мен 9 жыл иштеп, анан башка жумушка которулуп кеткем. Аялым анан кайнагам иштечү. Бактыга жараша, жакында эле аялымды Кыргызстанга жөнөтүп жибердим эле", — деди күбө.
"Каза болгондор төртүнчү кабатта болгон. Экинчи нөөмөттө иштеген кыздар эми үйүнө кетебиз деп жатканда кырсык болуп кеткен. Лифт аркылуу түтүн төртүнчү кабатка чыгып баратып, аз убакыттын ичинде адамдар уууланып калган", — деп айтылат маалыматта.
Эске сала кетсек, Москва шаарынын Алтуфьевское шоссесинде жайгашкан басмаканада өрт чыккан. Эске сала кетсек, Москва шаарынын Алтуфьевское шоссесинде жайгашкан басмаканада өрт чыккан. Окуяга күбө болгондордун айтымында, өрт чыккан имараттын ичинде кеминде 17ге чукул киши калып калгандыгы айтылууда.
