Бишкектиктер эгемендүүлүктүн 25 жылдык тарыхын журналисттин көзү менен көрө алат

БИШКЕК, 26-авг. — Sputnik. Кыргызстандын эгемендүүлүгүнүн 25 жылдыгына арналган сүрөт көргөзмө Бишкектин "Ала-Тоо" аянтында ачылды. 

Бишкектиктерге элдин, эгемендүүлүктүн тарыхын, тагдырын чагылдырган 120 фотожурналисттин мыкты деген сүрөттөрү тартууланды. 

Бишкек шаарынын мэри Албек Ибраимов салтанаттын ачылышында коюлган эмгектер кечинде да көрүнө тургандай кылып, атайын техникалар менен жабдылгандыгын айтты.

"Иш-чара аяктагандан кийин биз аларды рекламалык максатта колдонобуз, андан түшкөн каражаттар шаардын муктаждыктарына жумшалат", — деди шаар башчысы.

Көргөзмө 10-сентябрга чейин уланат. Ага жалпы жонунан 350 миң сом жумшалган.