БИШКЕК, 19-авг. — Sputnik. Кыргызстандын экономика министри тамекиге болгон минималдык чекене бааны аныктоого багытталган токтом долбоорун сунуштады. Документ коомдук талкууга коюлду.
"Фильтрлүү жана фильтрсиз тамекиге болгон минималдык чекене бааны орнотуу менен мамлекеттик кирешени көбөйтүү маселеси каралып жатат. Тамекинин 20 даанасын 40 сомдон сатуу сунушталууда. Мындай минималдык чекене бааны орнотуу менен жыл сайын мамлекеттик бюджетти 200 миллион сомго толтурууга болот", — деп айтылат долбоордун негиздемесинде.
19 Баш оона 2016, 11:32
Мыйзам долбоорго ылайык, тамекиге болгон акциздик салыктын көлөмү көбөйөт. Мында салык жыйымдарын кадыресе көбөйтүп алган Казакстандын тажрыйбасына таянуу чечими кабыл алынган. Мындан тышкары, минималдык баанын киргизилиши калктын ден соолугун бекемдөөгө да көмөк болору айтылган.
Кыргызстанда тамекинин баасы 35 сомдон башталат.
Экономика министрлиги быйылкы жылдын биринчи жарым жылдыгында пландаштырылган салык суммасынын 96 пайызы жыйналганын белгилейт.
