БИШКЕК, 19-авг. — Sputnik. Үстүбүздөгү жылдын 1-2-сентябрына чейин транспорт, турак жай жана жер салыгын өз убагында төлөбөгөндөр үчүн туум эсептеле баштайт. Бул тууралуу Салык кызматынан билдиришти.
Салыктарды банктарда, почта бөлүмдөрүндө, ошондой эле төлөм терминалдарында жана Интернет-банкингдерде төлөөгө болот.
"Транспорт каражаттары үчүн салыктар үстүбүздөгү жылдын 1-сентябрына чейин, ал эми 2-сентябрга чейин турак үй, батир жана жер салыгын (короо-жай, бактуу-чарба жер участоктору) төлөө зарыл", — деп айтылат маалыматта.
Салыктар өз убагында төлөнбөсө 2000 сом өлчөмүндө административдик айып салынат. Салык кызматынын www.sti.gov.kg сайтында кыймылдуу жана кыймылсыз мүлктөргө карата салыктарды эсептөө калькулятору жайгаштырылган.
