БИШКЕК, 16-авг. — Sputnik. Учакка салынган 63 акыраны Йоханнесбургдан 21 саат учуп отуруп, Чжэнчжоу провинциясына алып келишти. Бул туурасында Синьхуа агенттиги кабарлады.
Жекшемби күнү акыралар салынган учак аталган провинциянын Синьчжэн аба майданына келип конду.
"Бул Кытайга ташылып келген акыралардын рекорддук саны. Алардын 23ү — эркек, 40ы — ургаачы. Бойлору орточо эсеп менен алганда 2 метрге чукул. Көбү 2 жаш курагында",— деп жазды Синьхуа агенттиги.
Жаныбарлар иммиграциялык жана карантиндик көзөмөлдөн өткөндөн кийин аларды атайын карантин жайына алып барып, 45 күн кармайт. Андан соң өлкөнүн Хубэй, Шаньси, Шаньдун жана Хайнань провинцияларына бөлүнөт. Ал жерлерде туристтер үчүн бирден-бир кызыктуу жаныбарларга айланат деп айтылат маалыматта.
