Жашоочулар бир айдан бери куурларды алмаштыруу бүтпөй жатканын айтып, Sputnik Кыргызстан агенттигине кайрылышкан.
БИШКЕК, 9-авг. — Sputnik. Борбор калаанын "Чыгыш 5" кичи районунун тургундары Sputnik Кыргызстан агенттигине WhatsApp аркылуу кайрылып, Болот Мамбетов көчөсү боюнча жылуулук куурларын жаңылоо иштери качан бүтөөрүн билип берүүнү өтүнүштү.
"Бишкекжылуулуктармактары" ишканасынан оңдоо иштери бир ай мурун башталган
"Жумушчулар Мамбетов көчөсүндөгү жерлерди казып таштап салышты окшойт. Бир айдан бери куурлар ошол бойдон жатат. Жолдордун тосулушу карапайым калкка оңтойсуздук жаратууда", — деп айтылат маалыматта.
Тургундардын айтымында аталган көчө менен үйлөрүнө барышат. Учурда жол тосулгандыктан унааларын көчөгө токтотууга мажбур болушууда.
"Бишкекжылуулуктармактары" ишканасынан оңдоо иштери бир ай мурун башталгандыгын айтып, жумуш план боюнча жасалып жатканын кошумчалады.
"Иш өз нугу менен кетүүдө. План боюнча 10-октябрда аяктайт", — деп айтылат маалыматта.
Эгер кандайдыр бир өзгөчө окуяга же жаңылыкка күбө болсоңуз WhatsApp-каналга +996 706 566 544 номери боюнча кабарласаңыз болот.
