Рио-2016: дзюдочу Отар Бестаев беттешүүдөн четтеп калды

© AFP / JACK GUEZ Кыргызстандык дзюдочу Отар Бестаев азербайжандык спортчу Орхан Сафаров менен беттеш учурунда
Кыргызстандык дзюдочу Отар Бестаев азербайжандык спортчу Орхан Сафаров менен беттеш учурунда - Sputnik Кыргызстан
Жазылуу
Дзюдо боюнча таймаштын биринчи күнүндө эркектер жана кыз-келиндер арасында медалдын эки комплектиси ойнотулат.

БИШКЕК, 6-авг. — Sputnik. Рио-де-Жанейро Олимпиадасында беттешип жаткан кыргызстандык спортчу Отар Бестаев азербайжандык спортчудан жеңилип, таймаштан четтеп калды.

Эскерте кетсек, Бестаев мелдештин 1/16 бөлүгүндө египеттик атаандашы Ахмед Абелрахманды утуп алган. Кийинки этапта азербайжандык дзюдочу Орхан Сафаров менен беттешип жеңилип калды.

Көрүүчүлөр салюттун фонунда сүрөткө түшүп жатышат - Sputnik Кыргызстан
Олимпиада "селфилдегенде". Айсулуу Тыныбекова да элден калбай…
Дзюдо боюнча таймаштын биринчи күнүндө эркектер жана кыз-келиндер арасында медалдын эки комплектиси ойнотулат.

Бестаевден тышкары, Кыргызстандан дзюдо боюнча Юрий Краковецкий да 100 килограмм салмак ченинде күч сынашат. 

Ишемби күнү таймашка боксчу Эркин Адылбек уулу да чыгат. Ага колумбиялык Хуан Карлос Карилло атаандаш болот. 81 килогаммга чейинки салмак категориясы боюнча беттешүү Бишкек убактысы боюнча саат түнкү 3.00дө көрсөтүлөт.

Мындан тышкары, оор атлетика боюнча Жаңыл Окоева 48 килограмм салмак ченинде ат салышат. Бул беттешүүнү да 7-августка караган түнү саат 4.00дө көрүүгө болот.

Кыргызстандан Олимпиада оюндарына 19 спортчу катышууда.

Рио-де-Жанейродогу олимпиадада кыргызстандык спортчулар кайсы күнү беттешерин Sputnik Кыргызстан инфографикасынан көрүңүз>>

Жаңылыктар түрмөгү
0