Ош шаарынын ортосундагы Сулайман-Тоо деңиз деңгээлинен 1175 бийиктикте жайгашкан. Анын узундугу — 1140, туурасы — 560 метр.
Сулайман-Тоо — өзгөчө тоо. Адаттан тыш жай экенин анын аскаларында сакталып калган петроглифтер айгинелеп турат.
Айрым уламыштарга ылайык, бул тоого Сулайман пайгамбар да келип кеткен. XVI кылымга чейин тоо Бара-Кух деп аталган. Кийин аны Сулаймандын тактысы деп дагы аташкан.
Тоонун чокусунда "Сулаймандын тактысы" мечити бар. Ал Бабур баатырдын маалында курулган.
Сулайман-Тоонун ичинде жети үңкүр бар. Алардын бирөөндө Оштун тарыхый-маданий музейи орун алган.
Тоонун түбүндө дагы байыркы архитектуралык эстеликтер — мечит жана мавзолейлер жайгашкан.
Сулайман-Тоо 2009-жылы 29-июнда ЮНЕСКО Бүткүл дүйнөлүк мурастар тизмесине киргизилген.
