Арстанбап — дүйнөдөгү эң ири жаңгак токою болуп саналат. Анын жалпы аянты 608 миң гектарды түзүп, 30 метрге чейин жеткен бактар өсөт. Токойдогу айрым бактар 1000 жылды карытканы айтылып келет.
Уламыштардын биринде Александр Македонскийдин аскери Талас өрөөнүндөгү көчмөндөр менен согушуудан алсырап, анан калса ысыкта суусуз калып абдан кыйналат. Жоокерлер ооруп, ачкачылыкка тушугуу коркунучу күч алат. Ошондо жергиликтүү эл дартка даба болчу өсүмдүк менен дарылай баштайт. Жаңгак жумурга жук болуп, кабыгынын кайнатмасы бир нече саатта оорудан айыктырат. Александр жаңгактын көчөттөрүн Александрия менен Македонияга жеткирүүнү буйруп, ошентип дүйнө жаңгак деген кереметке ээ болот.
Арстанбап коругу — туристтердин сүйүктүү жери. Анда Көл-Мазар көлү, Бабаш-Ата тоосу жана шаркыратмалар бар.
