БИШКЕК, 22-июл. — Sputnik. Кечээ, 21-июлда Жалал-Абад облусунун бир катар аймактарында катуу шамал катталып, анын айынан үйлөрдүн темир чатырлары — тунукелери жараксыз абалга келген. Бул тууралуу ӨКМден билдиришти.
Маалыматка ылайык, Аксы районунун Кербен шаарында 21-июль күнү ылдамдыгы секундасына 15-22 метрге чейин жеткен шамал катталып эки кабаттуу үйдүн темир чатырын учуруп, жакын жайгашкан электр мамычасындагы чубалгыларына илинип калган. Тилекке жараша чубалгыда электр тогу жок болгон. Учурда калыбына келтирүү иштери жүргүзүлүүдө.
Ошондой эле Кара-Жыгач айылындагы базардын жанында жайгашкан толук курулуп бүтө элек тамактануучу жайдын темир чатырын шамал учуруп, жакын турган дарака илинип калган.
Катуу шамалдын айынан Арстанбап, Кызыл-Үңкүр айыл аймактарында электр жарыгы өчүрүлгөн. Учурда райондук жарандык коргонуу комиссиясы жеринде тактоо иштерин жүргүзүү, РЭС кызматкерлери тарабынан электр чубалгылары калыбына келтирилүүдө.
