БИШКЕК, 20-июл. — Sputnik. Бейшемби күнү өлкө боюнча жамгыр себелей турганын Кыргызгидромет билдирди.
Батыштан соккон шамалдын ылдамдыгы секундасына 4-9 метрге чейин жетет.
"Бишкекте абанын температурасы түнкүсүн 19…21 градус жылуу болсо, күндүз 30…32 градуска чейин ысыйт. Ал эми Ош шаарында түнкүсүн 19…21 градус жылуу болсо, күндүз күн 32…34 градуска чейин көтөрүлөт", — деп айтылат маалыматта.
Ал эми өлкө аймагында 21-23-июль күндөрү мезгил-мезгили менен жаан жаап, күн күркүрөп бийик тоолуу райондордо кар жаай турганын Кыргызгидромет эскертет.
