БИШКЕК, 16-июл. — Sputnik. Олимпиадага аттана турган Кыргызстан делегациясы – спортчулары кандай кийинип бара тургандыгы Sputnik Кыргызстан агенттигине Жаштар, дене тарбия жана спорт боюнча мамлекеттик агенттиктин жетекчиси Канат Аманкулов айтып берди.
Эркектердин параддык формасы
Кыз-келиндердин параддык формасы
Спорттук костюм, сумка жана кепка
Футболка жана чолок шым
Анын айтымында, атайын тендер өткөрүлүп, параддык форманы DILBAR, ал эми спорттук кийимдерди испаниялык Joma тиккен.
"Олимпиада курама командасын мен үч ирет даярдадым. Чынын айтсам, бул сапар жакшы болду. Бир спорттук комплект 24 буюмдан турат жана баасы 40 миң сом. Спортчулар жаңы компелкт алышат, ал эми машыктыруучуларга анын жарымы берилет. Параддык формалардын наркын айта албайм",— деди Аманкулов.
Мамагенттиктин башчысы спорттук кийимдин ичинде: спорттук үч костюм, эки сумка, футболка, кепка, термо ички кийимдер, бут кийим, байпак, сүлгү жана башка буюмдар кирерин санап берди. Баарында Кыргызстандын логотиби түшүрүлгөн.
Учурда кыргызстандык курама командасында олимпиадалык 19 лицензия бар.
