БИШКЕК, 9-июн. — Sputnik. Чүй суусунун деңгээли көтөрүлүп, жол четин жей баштады. Бул тууралуу ӨКМдин маалымат кызматы билдирди.
Алдын ала маалыматтар боюнча 9-июнь күнү саат 6.30 чамасында Нарын-Торугарт айланып өтмө унаа жолунун 68-чакырымында Чүй суусунун деңгээли көтөрүлүп, жол четин жей баштаган. Бул күндүн катуу ысышына байланыштуу экени белгиленет.
"Аталган дарыя суусунун ченеми секундасына 61 метрди түзөт. Учурда агып жаткан ченеми секундасына 169 метрге жетүүдө. Ал эми коркунуч жараткан ченеми секундасына 190 метрге чейин белгиленген", — деп айтылат маалыматта.
Аталган аймакка Чүй районунун №34 жол тейлөө ишканасы тарабынан жолду жеп кетүү коркунучун жоюуга бир даана манипулятор, бир даана автокран, бир даана жүктөгүч жана эки даана самосвал тартылды.
