БИШКЕК, 9-июн. — Sputnik. Мария Шарапова мельдоний колдонгону үчүн спорттон эки жылга четтетилди. Мындай чечимди Эл аралык теннис федерациясы кабыл алды, убактылуу четтетүү мөөнөтү 2016-жылдын 26-январынан тарта башталат.
Ошентип Шарапова 2016-жылы Рио-де-Жанейродо боло турчу олимпиадага катыша албай калат. Анын ордуна Бразилияга Екатерина Макарова барарын Россиянын Теннис федерациясы билдирди.
Эл аралык теннис федерациясынын мындай чечимине макул болбогон Шарапова Лозанна шаарындагы Арбитраждык спорт сотуна (CAS) кайрыла турганын маалымдады.
Эл аралык теннис федерациясы башында Шарапованы төрт жылга чейин четтетүүнү пландаган, бирок спортчу тыюу салынган каражатты колдонгонун өзү айтып, моюнга алгандыгын эске алып, аны эки жылга чейин кыскарткан.
