БИШКЕК, 7-июн. — Sputnik. Жогорку Кеңештеги Транспорт, коммуникация, архитектура жана курулуш боюнча комитетинин төрагасы Марат Иманкулов өкмөткө чек арадагы "Ак-Жол" көзөмөл өткөрүү пунктун модернизациялоо боюнча башкы планды иштеп чыгып, аны каржылоо булагын табууну тапшырды. Бул тууралуу КСДП фракциясынын катчылыгы билдирди.
Марат Аманкулов көзөмөл-өткөрүү жайы менен автоунаа токтогон жайдын ортосунун узактыгы бир чакырымга жетерине жарандар арызданып жатканын баса белгиледи.
Мамлекеттик чек ара кызматынын өкүлү коопсуздукту, автотыгынды жана тартипти сактоо үчүн көзөмөл өткөрүү пункту менен автоунаалар токтогон жайдын ортосу атайылап ушундай жасалганын билдирди.
Депутаттар өткөрүү пункту замандын талабына ылайык тез арада оңдоп-түзөлүшү керектигин баса белгилешти.
