БИШКЕК, 4-июн. — Sputnik. Белгилүү мушкер Мухаммед Али 74 жашында каза болгонун РИА Новости агенттигин NBC News телеканалына шилтеме берүү менен билдирди.
Белгилей кетсек, мушкер буга чейин дем алуусу начарлап ооруканага жаткырылган болчу. Дарыгерлер анын абалы оор экенин жакындарына билдиришкен.
74 жаштагы Али дүйнөнүн абсолюттук чемпиону, олимпиада оюндарынын жеңүүсү. Ал Паркинсон оорусу менен жабыркап келген.
Мухаммед Али 1942-жылы 17-январда төрөлгөн. Ал спорттук карьерасын аяктагандан кийин ЮНИСЕФтин ыктыярчы элчиси болуп (1998-2008) да иштеген.
Мухаммед Алинин сүрөттө калган сүртүмдөрүн Sputnik Кыргызстан фотолентасынан көрүңүз>>
