Сынактын уюштуруучусу Таттыбүбү Самидин кызынын айтымында, конкурстун жеңүүчүсү "Дүйнө сулуусу-2016" сынагында Кыргызстандын атынан катышууга укук алды.
"Катышуучулардын баары өзүлөрүн мыкты көрсөттү. Алар жеңишке жетүү үчүн жүз пайыз аракет кылышты", — деди Самидин кызы.
Ал конкурс акысыз болгонун кошумчалады.
Сынакта Бишкек шаарынан 18 жаштагы студент Перизат Рыскулбек кызы жеңүүчү аталды. Ал эми 21 жаштагы Екатерина Заболотнова биринчи вице болсо, 19 жаштагы Бегим Алмасбекова экинчи вице сулуу деп тандалды.
Эске сала кетсек, Таттыбүбү Самидин кызы былтыр Кыргызстандын сулуусу аталган.
