БИШКЕК, 13-апр. — Sputnik. Борбор калаада эртең күн 20…22 градуска чейин ысый турганын Кыргызгидромет билдирди.
Маалыматка ылайык, жаан жаабайт, шамалдын багыты өзгөрүлүп, ылдамдыгы секундасына 1-6 метрге чейин жетет.
Ал эми Ош, Жалал-Абад жана Баткен облустарынын дыйканчылык аймактарында күн 24 градуска чейин ысыйт.
Ккүндүн ысыганына байланыштуу Кыргызстандын тоолуу райондорунда, Бишкек – Ош (121-137, 198-250 чакырымдары) автоунаа жолдорунда кар көчкү түшүүсү күтүлөт, жолдор тайгак болуп муз тоңот. Андыктан айдоочуларга машиналардын ортосунда 500 метр аралык кыймылды сактоо керектиги эскертилет.
