БИШКЕК, 13-апр. — Sputnik. Свердлов РИИБдин ыкчам иликтөө тобу борбордогу көңүл ачуу жайынан киши өлтүрдү деп шектелген 23 жаштагы жаранды кармашты. Бул тууралуу ИИМдин маалымат кызматы билдирди.
13 Чын Куран 2016, 14:00
Белгилей кетсек, 6-апрелде белгисиз жаран 26 жаштагы кишини көкүрөк тушка сайып, ал каза болуп калган. Шектүү жаран изин жашырып кеткен. Аталган факты боюнча Кылмыш жаза кодексинин 97-беренеси (Адам өлтүрүү) менен кылмыш иши козголгон.
Иликтөө иштери учурунда шектүү жаран шаардагы көңүл ачуучу жайдан таанышынын туулган күнүн майрамдап, спирт ичимдиктерин ичкен. Түнкү саат 01.00дөр чамасында ал бир жаран менен чатакташа кеткен. Сыртка чыкканда ашкана бычагы менен аны көкүрөк тушка сайган.
Учурда Свердлов райондук соту шектүү жаранды камакка алуу чечимин чыгарды. Тергөө иштери жүрүп жатат.
