БИШКЕК, 11-апр. — Sputnik. Кыргызстан Азиянын чакырык кубогу үчүн турнирде дагы бир ири жеңишке жетишти.
Кыргызстан менен Катардын ортосундагы экинчи матч жекшемби күнү өттү. Жергиликтүү команда Катардын командасын 9:0 эсеби менен утту.
Ага чейин ишемби күнү турнирдин алгачкы күнүндө кыргызстандыктар Индиянын командасын 11:1 эсеби менен жеңип алган. Мелдештин ачылыш салтанаты 9-апрель күнү өттү.
Кыргызстандын курама командасы аталган турнирге үчүнчү жолу катышууда. Турнирдин жеңүүчүсү Азиянын чакырык Кубогунун элиталык дивизионуна жолдомо алат.
2014-жылы жергиликтүү команда биринчи дивизионго Индия, Макао жана Сингапур менен чогуу катышкан. Финалда кыргызстандыктар Макао командасынан утулуп, экинчи орунду ээлеген.
