БИШКЕК, 9-апр. — Sputnik. Тарых жана маданият жылына карата Ош шаарында 14-15-майда этнофестиваль өткөрүлөт. Бул тууралуу Ош шаарынын мэриясынын маалымат кызматы билдирди.
Анда Мамлекеттик дирекциянын башчысы Султан Раев, Ош шаарынын биринчи вице-мэри Замирбек Аскаров, Ош шаарынын ыйгарым укуктуу өкүлүнүн орун басары Байыш Юсупов жана маданият тармагынын өкүлдөрү катышкан.
"Этнофестивалга маданият адамдары гана эмес, өлкөнүн бардык аймактарынан тарыхчылар, этнографтар, кол өнөрчүлөр келишет. Чет элдик коноктор дагы чакырылат", — деп билдирген Раев.
Ал эми биринчи вице-мэр Замирбек Аскаров фестивалга карата Ош шаары кооздолорун кошумчалаган.
Фестивалда, кол өнөрчүлөр, сүрөтчүлөр жана скульпторлордун эмгектери көргөзмөгө коюлат. Бийчилердин катышуусунда этномузыкалык фестиваль дагы өткөрүлөт.
Мындан сырткары, палоо, боорсок жана нан фестивалы дагы өткөрүлөт.
