БИШКЕК, 7-апр. — Sputnik. Ош шаарында 9-апрелде жалпы чуркоо болуп, ага 45-60 жаштан жогорку курактагылар, күч органдарынын кызматкерлери, студенттер, окуучулар катышат. Бул туурасында Ош шаарынын мэриясынын маалымат кызматынан кабарлашты.
Катышуучулар 400, 500, 1500, 2200 метр аралыкка чуркашат.
"Бул иш-чара "Тарых жана маданият" жылына карата өткөрүлүп жатат. Иш-чаранын максаты — калкты сергек жашоо образына тартуу", — деп билдирди мэриянын маалымат кызматы.
Иш-чара 9-апрель күнү эртең менен Ош шаарынын борбордук аянтында башталат.
