БИШКЕК, 6-апр. — Sputnik. Каржы агымдары боюнча эксперт жана журналист Эрнст Вольф "Панамалык баалуу кагаздар" жаңжалы офшордук аймактагы ири каражаттарды АКШга багыттоо аракети экенин Sputnik маалымат агенттигине берген маегинде баса белгиледи.
Жекшемби күнү немистердин Sueddeutsche Zeitung басылмасы панамалык Mossack Fonseca юридикалык фирмасына таандык делген документтерди жарыялаган. Басылма ири мамлекеттердин башчылары менен анын жакындарынын офшордук схемаларга тийиштиги бардыгын жазган.
Ошол эле учурда АКШнын бир катар штаттарында — Невада, Түштүк Дакота, Вайоминг жана Делавэрде банктар кардарлары тууралуу маалыматтарды катуу сыр катары сактап, эч кимге бербей турганын Вольф кошумчалады.
Эксперт "Панамалык баалуу кагаздар" жаңжалынан кийин жеке тараптар менен ири компаниялар офшордук аймактагы өз каражаттарын чыгарып, Невадага же Түштүк Дакотага алып келиши мүмкүн экенин айтат.
"Офшордук аймактарда 30-40 триллион доллар бар. Андыктан, АКШ аларды өзүнө тартууга кызыктар", — экенин Вольф баса белгиледи.
Учурда жарыяланган маалыматтардын чын-төгүнү аныктала элек. Mossack Fonseca компаниясы документтердин аныктыгын тактаган жок, ал эми журналисттердин аракети кылмыш катары баалады. Фирманын негиздөөчүлөрүнүн бири Рамон Фонсека айрым документтер чынында эле Mossack Fonseca компаниясынан уурдалганын белгилеп, бирок кайсыл документтер экенин так айткан жок.
