БИШКЕК, 1-апр. — Sputnik. Тарых жана маданият жылына карата белгиленген 78 мамлекеттик иш-чара өз мөөнөтүндө аткарылып жатат. Бул тууралуу Тарых жана маданият жылын өткөрүү боюнча дирекциянын төрагасы Султан Раев уюштуруу комитеттин жыйынында билдирди.
Анын айтымында, бул жылдын алкагында бир нече маданий, илимий иш-чаралар, эл аралык балдардын тил жана маданият фестивалы, Бишкек шаарында балет фестивалы, этно маданияттардын фестивалы, сүрөтчүлөрдүн эл аралык фестивалы жана музейлер жумалыгы өткөрүлөт. Ошондой эле Кыргызстандын тарыхый-маданий атластардын жаңы варианттары даярдалат.
Өкмөт башчы быйылкы иш-чаралардын алкагында маданиятты өнүктүрүүгө жана Кыргызстандын туристтик потенциалын жогорулатууга мүмкүнчүлүк бар экенин эске салып, бул жааттагы иштерди активдештирүүнү тапшырды.
Ошондой эле Финансы министрлигине бул багытта каралган каржы булактарын өз мөөнөтүндө бөлүп берүүгө милдеттендирди.
