БИШКЕК, 1-апр. — Sputnik. Түркиянын президенти Режеп Тайип Эрдогандын жан сакчылары Вашингтондогу университетте болгон жыйынга келген айрым журналисттерди киргизбей, каршылык көрсөтүштү. Бул тууралуу Financial Times басылмасына таянуу менен РИА Новости жазып чыкты.
10 Жалган Куран 2016, 10:07
Эрдоган жума күнү Вашингтондогу Брукинг институтунда чыгып сүйлөгөн. Аны чагылдыруу үчүн жыйынга кирүүгө аракет кылган журналисттерди түрк президентинин жан сакчылары түртүп, колдорун кайрып имаратка кирүүгө тоскоолдук кылганын күбөлөр билдирген.
Вашингтондун полициясы жан сакчылар менен "кармашкан" журналисттерди ажыратууга аргасыз болгон. Бул журналисттер Эрдогандын саясатына нааразычылыгын билдиришкен.
Түрк президенти менен келген делегациянын айрым өкүлдөрү Эрдоган чыгып сүйлөгөнгө чейин имаратка кирген айрым журналисттерди чыгарганга аракет кылышкан. Бирок, аны Брукинг университетинин кызматкерлери токтотуп калышкан.
Белгилей кетсек, ушул тапта Түркиянын президенти Тайип Эрдоган иш сапары менен АКШда жүрөт.
