Өткөндүн маанилүү учурларын айтып берген көргөзмө Токтогулдан башталат

© Sputnik / Таалай ОроскуловТоктогул районуна кириш. Архив
Токтогул районуна кириш. Архив - Sputnik Кыргызстан
Жазылуу
Тарыхый документтерди элге көрсөтүү Токтогул районунда 1-апрелден башталып, Ысык-Көл облусунун Каракол шаарында 14-октябрда соңуна чыгат.

БИШКЕК, 24-мар. — Sputnik. Кыргызстанда быйыл белгилене турган жалпы улуттук мааракелерге арналган көчмө көргөзмө өтүп, ага каалоочулардын бардыгы катыша алат. Бул туурасында Тарых жана маданият жылын өткөрүү боюнча мамлекеттик дирекциянын маалымат кызматы билдирди. 

Кыргызстандын элинин маданиятын, жашоосун чагылдырган тарыхый документтер менен сүрөттөр коюлуп, ал өлкөнүн бардык облустарына барат. Сүрөт көргөзмөлөрдү өткөрүү Кыргызстандагы Тарых жана маданият жылынын алкагында жасалуучу иш-чаралардын бир бөлүгү. 

"Анын максаты — тарыхый сүрөттөр менен документтер аркылуу өткөндүн маанилүү учурларын кийинки муундарга көрсөтүп, алардын мекенчилдик сезимин өстүрүү", — деп билдирди маалымат кызматы.

Жаа атуу. Архив - Sputnik Кыргызстан
Эгемендик мааракеси жана Көчмөндөр оюндары — 2016 жылдын 100 иш-чарасы
Сүрөт көргөзмө облустук китепканаларда уюштурулат. Учурда экспозициянын материалдарын даярдоо иштери жүрүп жатат. Тарыхый документтерди элге көрсөтүү Токтогул районунда 1-апрелден башталып, Ысык-Көл облусунун Каракол шаарында 14-октябрда соңуна чыгат чыгат.

Президент Алмазбек Атамбаевдин Жарлыгы менен быйылкы жыл Тарых жана маданият жылы деп жарыяланган. Анын алкагында Кыргызстандын эгемендүүлүгүнүн 25 жылдыгы менен бирге 1916-жылдагы улуттук-боштондук көтөрүлүштүн 100 жылдыгы, Кыргыз АССРинин түзүлгөндүгүнүн 90 жылдыгы, Кыргыз ССРинин түзүлгөндүгүнүн 80 жылдыгы, залкар ойчул Жусуп Баласагындын 1000 жылдыгы жана Тайлак баатырдын 220 жылдыгы белгиленет.

Жаңылыктар түрмөгү
0