БИШКЕК, 24-фев. — Sputnik. Кыргызстандык Исфандияр Алимовдун сүрөтү Sony World Photography Awards эл аралык сынагынын 50 мыкты иштин катарына кирди.
Фотография кыргызстанца Исфандияра Алимова для международного фотоконкурса Sony World Photography Awards
© Исфандияр Алимов
Алимов Sputnik Кыргызстан агенттиги менен болгон маегинде бардыгы болуп сынакка 186 мамлекеттен 95 миң 541 иш түшкөнүн айтып берди.
"Сүрөтүмдүн финалга чыкканы тууралуу маалыматты уюштуруучулар электрондук дарек аркылуу билдиришти. Мен өз ишимди сүйүүчүлөр категориясына салгам", — дейт сүйрөтчү.
Анын айтымында, уюштуруучулар 22-апрелде Улуу Британиянын борбор калаасы Лондондо өтө турган эл аралык көргөзмөгө коюу үчүн сүрөттүн түп нускасын сурашкан.
Жеңүүчүлөр 23-апрель күнү салтанаттуу аземде белгилүү болот. Алимовдун "Бир өзөктүн эки жагы" аттуу сүрөтү ак-кара фрагментте тартылган сүйүшкөн жуптун элесин чагылдырат.
Sony World Photography Awards 2007-жылдан бери өткөрүлүп, жылына 150 миңге чукул сүрөттөрдү кабыл алат.
